Oedipus
- 言語:
- ラテン語
- 状態:
- 完全な作品
- 著者性:
- 著者自身による
- テキストの状態:
- 良好なテキスト
- 分量:
- 約 9,470 語 · 45 節
この作品を引用
- APAルキウス・アンナエウス・セネカ. (n.d.). Oedipus. SigPhi. https://sigphiai.com/ja/works/seneca/oedipus
- MLAルキウス・アンナエウス・セネカ. "Oedipus." SigPhi, https://sigphiai.com/ja/works/seneca/oedipus.
- Chicagoルキウス・アンナエウス・セネカ. Oedipus. SigPhi. https://sigphiai.com/ja/works/seneca/oedipus.
何についての本か
オイディプスが、テバイの疫病の原因は自分であり、それを自分が知らずにしたのだと知る。
背景と歴史
セネカはソフォクレスと張り合わない。別のことをしている。予兆と恐怖を引き伸ばし、原作では探索であるものが、ここでは近づいてくる破滅になる。テイレシアスの招魂はソフォクレスにはなく、最も純粋なセネカである。 これらの悲劇は、セネカの哲学に付けられた文学の付録ではない。彼が自分の哲学を述べるために通った主要な道である。書簡で論じられた怒りと、死への恐れと、運命が、ここでは演じられている。
これは編集上の背景であり、引用できる典拠ではありません。作品本文の一節とは異なり、これらの記述はコーパスで検証できません。
Manto Senex Corinthius Phorbas Nuntius Chorus Thebanorum Oedipus Iocasta Iam nocte Titan dubius expulsa redit et nube maestus squalida exoritur iubar, lumenque flamma triste luctifica gerens prospiciet avida peste solatas domos, stragemque quam nox fecit ostendet dies. Quisquamne regno gaudet? O fallax bonum, quantum malorum fronte quam blanda tegis! ut alta ventos semper excipiunt iuga rupemque saxis vasta dirimentem freta quamvis quieti verberat fluctus maris, imperia sic excelsa Fortunae obiacent. quam bene parentis sceptra Polybi fugerant! curis solutus exul, intrepidus, vagans (caelum deosque testor) in regnum incidi: infanda timeo: ne mea genitor manu perimatur; hoc me Delphicae laurus monent, aliudque nobis maius indicunt scelus. est maius aliquod patre mactato nefas? pro misera pietas (eloqui fatum pudet», thalamos parentis Phoebus et diros toros gnato minatur impia incestos face; hic me paternis expulit regnis timor. (204) non ego penates profugus excessi meos: parum ipse fidens mihimet in tuto tua, natura, posui iura. cum magna horreas, quod posse fieri non putes metuas tamen: cuncta expavesco meque non credo mihi. Iam iam aliquid in nos fata moliri parant, nam quid rear quod ista Cadmeae lues infesta genti strage tam late edita mihi parcit uni? cui reservamur malo? inter ruinas urbis et semper novis deflenda lacrimis funera ac populi struem incolumis asto — scilicet Phoebi reus. sperare poteras sceleribus tantis dari regnum salubre? fecimus caelum nocens. Non aura gelido lenis afflatu fovet