Troades
- 言語:
- ラテン語
- 状態:
- 完全な作品
- 著者性:
- 著者自身による
- テキストの状態:
- 良好なテキスト
- 分量:
- 約 10,300 語 · 49 節
この作品を引用
- APAルキウス・アンナエウス・セネカ. (n.d.). Troades. SigPhi. https://sigphiai.com/ja/works/seneca/troades
- MLAルキウス・アンナエウス・セネカ. "Troades." SigPhi, https://sigphiai.com/ja/works/seneca/troades.
- Chicagoルキウス・アンナエウス・セネカ. Troades. SigPhi. https://sigphiai.com/ja/works/seneca/troades.
何についての本か
陥落したあとのトロイアの女たち。どの勝者のものになるのか、そして自分の子どものどれが殺されるのかを、待ちながら知る。
背景と歴史
セネカが敗者を描いた悲劇であり、効果に最も頼っていないものでもある。ここでの恐怖は血ではなく待つことだ。エウリピデスと題材を共有しているが、彼の翻案ではない。
これは編集上の背景であり、引用できる典拠ではありません。作品本文の一節とは異なり、これらの記述はコーパスで検証できません。
Talthybius Calchas Senex Helena Nuntius Taciti Astyanax Polyxena Chorus Thebanorum (51) Hecvba. Quicumque regno fidit et magna potens dominatur aula nec leves metuit deos animumque rebus credulum laetis dedit, me videat et' te, Troia: non umquam tulit documenta fors maiora, quam fragili loco starent superbi, columen eversum occidit pollentis Asiae, caelitum egregius labor; ad cuius arma venit et qui frigidum septena Tanain ora pandentem bibit, et quae vagos vicina prospiciens Scythas ripam catervis Ponticam viduis ferit, et qui renatum primus excipiens diem tepidum rubenti Tigrin inmiscet freto, excisa ferro est, Pergamum incubuit sibi. en alta muri decora congesti iacent tectis adustis; regiam flammae ambiunt omnisque late fumat Assaraci domus. non prohibet avidas flamma victoris manus: diripitur ardens Troia, nec caelum patet undante fumo: nube ceu densa obsitus ater favilla squalet Iliaca dies. stat avidus irae victor et lentum Ilium (52) metitur oculis ac decem tandem ferus ignoscit annis; horret afflictam quoque, victamque quamvis videat, haut credit sibi potuisse vinci, spolia populator rapit Dardania; praedam mille non capiunt rates. Testor deorum numen adversum mihi, patriaeque cineres teque rectorem Phrygum quem Troia toto conditum regno tegit, tuosque manes quo stetit stante Ilium, et vos meorum liberam magni greges, umbrae minores: quicquid adversi accidit, quaecumque Phoebas ore lymphato furens