Oedipus
- 语言:
- 拉丁语
- 状态:
- 完整作品
- 作者归属:
- 作者本人所著
- 文本状况:
- 文本清晰
- 篇幅:
- 约 9,470 词 · 45 个段落
引用本作品
- APA卢基乌斯·安纽斯·塞涅卡. (n.d.). Oedipus. SigPhi. https://sigphiai.com/zh/works/seneca/oedipus
- MLA卢基乌斯·安纽斯·塞涅卡. "Oedipus." SigPhi, https://sigphiai.com/zh/works/seneca/oedipus.
- Chicago卢基乌斯·安纽斯·塞涅卡. Oedipus. SigPhi. https://sigphiai.com/zh/works/seneca/oedipus.
内容简介
俄狄浦斯发现，底比斯的瘟疫是他招来的，而那件事是他自己在不知情中做下的。
背景与流传
塞内加没有去跟索福克勒斯比高下，他做的是另一件事：把预兆和恐怖铺开，于是原作里的追查，在这里成了步步逼近的天谴。忒瑞西阿斯的招魂在索福克勒斯那里没有，那是最纯粹的塞内加。 这些悲剧不是塞内加哲学的文学附录——对塞内加来说，它们是他把自己的哲学讲出来的主要途径。书信里论证过的愤怒、对死的恐惧和命运，在这里是演出来的。
这是编辑性背景，不是可引用的来源：与作品本身的段落不同，这些说明无法在语料库中核对。
Manto Senex Corinthius Phorbas Nuntius Chorus Thebanorum Oedipus Iocasta Iam nocte Titan dubius expulsa redit et nube maestus squalida exoritur iubar, lumenque flamma triste luctifica gerens prospiciet avida peste solatas domos, stragemque quam nox fecit ostendet dies. Quisquamne regno gaudet? O fallax bonum, quantum malorum fronte quam blanda tegis! ut alta ventos semper excipiunt iuga rupemque saxis vasta dirimentem freta quamvis quieti verberat fluctus maris, imperia sic excelsa Fortunae obiacent. quam bene parentis sceptra Polybi fugerant! curis solutus exul, intrepidus, vagans (caelum deosque testor) in regnum incidi: infanda timeo: ne mea genitor manu perimatur; hoc me Delphicae laurus monent, aliudque nobis maius indicunt scelus. est maius aliquod patre mactato nefas? pro misera pietas (eloqui fatum pudet», thalamos parentis Phoebus et diros toros gnato minatur impia incestos face; hic me paternis expulit regnis timor. (204) non ego penates profugus excessi meos: parum ipse fidens mihimet in tuto tua, natura, posui iura. cum magna horreas, quod posse fieri non putes metuas tamen: cuncta expavesco meque non credo mihi. Iam iam aliquid in nos fata moliri parant, nam quid rear quod ista Cadmeae lues infesta genti strage tam late edita mihi parcit uni? cui reservamur malo? inter ruinas urbis et semper novis deflenda lacrimis funera ac populi struem incolumis asto — scilicet Phoebi reus. sperare poteras sceleribus tantis dari regnum salubre? fecimus caelum nocens. Non aura gelido lenis afflatu fovet