ボエティウス『七日論』註解
- 言語:
- ラテン語
- 状態:
- 完全な作品
- 著者性:
- 著者自身による
- テキストの状態:
- 良好なテキスト
- 分量:
- 約 8,840 語 · 42 節
この作品を引用
- APAトマス・アクィナス. (n.d.). ボエティウス『七日論』註解. SigPhi. https://sigphiai.com/ja/works/thomas-aquinas/in-librum-boethii-de-hebdomadibus-expositio
- MLAトマス・アクィナス. "ボエティウス『七日論』註解." SigPhi, https://sigphiai.com/ja/works/thomas-aquinas/in-librum-boethii-de-hebdomadibus-expositio.
- Chicagoトマス・アクィナス. ボエティウス『七日論』註解. SigPhi. https://sigphiai.com/ja/works/thomas-aquinas/in-librum-boethii-de-hebdomadibus-expositio.
何についての本か
ボエティウス『七日間論』への註解。事物が、あるということによって善である仕方について。
背景と歴史
技術的で短いが、トマスが新プラトン主義から受け取った分有の形而上学を見るには最も明快な場所の一つである。目録にはボエティウスの『哲学の慰め』もあり、そちらはもう一方のボエティウスである。 ラテン語の本文。原文である。トマスはラテン語で書いており、引用はこれによるべきである。
これは編集上の背景であり、引用できる典拠ではありません。作品本文の一節とは異なり、これらの記述はコーパスで検証できません。
[1] Habet hoc priuilegium sapientiae studium, quod operi suo prosequendo magis ipsa sibi sufficiat. In exterioribus enim operibus indiget homo plurimorum auxilio; sed in contemplatione sapientiae tanto aliquis efficacius operatur, quanto magis solitarius secum commoratur. Et ideo Sapiens in uerbis propositis hominem ad seipsum reuocat, dicens: PRAECURRE PRIOR IN DOMUM TUAM, id est ad mentem tuam ab exterioribus sollicite redeas, antequam ab alio occupetur, per cuius sollicitudinem distrahatur: unde dicitur Sapientia 8:16: Intrans in domum meam, conquiescam cum illa id est cum sapientia. [2] Sicut autem requiritur ad contemplationem sapientiae quod mentem suam aliquis praeoccupet, ut totam domum suam contemplatione sapientiae impleat, ita etiam requiritur quod ipse totus per intentionem interius adsit, ne scilicet eius intentio ad diuersa trahatur: et ideo subdit ET ILLUC ADVOCARE, id est totam intentionem tuam ibi congrega. Sic igitur interiore domo totaliter euacuata, et homine totaliter per intentionem in ea existente, quid agendum sit exponit subdens ET ILLIC LUDE. [3] Ubi considerandum est, quod sapientiae contemplatio conuenienter ludo comparatur, propter duo quae est in ludo inuenire. Primo quidem, quia ludus delectabilis est, et contemplatio sapientiae maximam delectationem habet: unde Eccli. xxiv dicitur ex ore sapientiae: Spiritus meus super mel dulcis. [4] Secundo, quia operationes ludi non ordinantur ad aliud, sed propter se quaeruntur. Et hoc idem competit in delectationibus sapientiae. Contingit enim quandoque quod aliquis apud seipsum delectatur in consideratione eorum quae concupiscit, uel quae agere proponit. Sed haec delectatio ordinatur ad aliquid exterius, ad quod nititur peruenire; quod si deficiat uel tardetur, delectationi huiusmodi adiungitur non minor afflictio, secundum illud Prouerbia xiv: Risus dolore miscebitur.…